ओली र दाहालबीच बालुवाटारमा छलफल जारी
प्रधानमन्त्री केपी शर्मा ओली र नेकपाका कार्यकारी अध्यक्ष पुष्पकमल दाहालबीच बालुवाटारमा छलफल जारी छ।
पार्टी एकतालाई पूर्णता दिने विषयमा छलफल गर्न दुई अध्यक्षबीच भेटवार्ता भएको हो। मन्त्रिपरिषद् पुनर्गठन र राजदूत नियुक्तिको विषयमा पनि कुराकानी भएको बताइएको छ ।
६ असोजमा बसेको सचिवालय बैठकले एकताको बाँकी काम सक्नका लागि प्रस्ताव तयार पार्ने जिम्मा अध्यक्षद्वयलाई दिएको थियो। १० दिनभित्र प्रस्ताव तयार गर्न भनिए पनि अहिलेसम्म तयार भइसकेको छैन।
त्यस्तै दुई अध्यक्षबीच निरन्तर छलफल भइरहे पनि मन्त्रिपरिषद् पुनर्गठनको समेत टुंगो लाग्न सकेको छैन।
२२ असोज २०७७, बिहीवार १२:२३ बजे प्रकाशित
