प्रकृतिले पनि झोपडीमै किन चटक देखाउँछ!?
गजल
✍️ तारा पल्लबी
आफुलाई मात्र देश र जनताको लायक देखाउँछ
अभिनय गर्छ एक कुशल शासक देखाउँछ
सारा दुष्कर्म, पाप लुकाउने प्रयासमा गर्दै
मन्दिर जान्छ,अगरबत्ती, दीपक देखाउँछ
ईतिहासमा कुनै नयाँ नाम थपिएन र अझै??
देखाउनेले सधैँ भृकुटी, सिता, जनक देखाउँछ
बग्यो ,लग्यो, सबै सकियो भन्छ पिता
बाँकि काखमा एक अबोध बालक देखाउँछ
हरेक साल आऊँछ,बगाउँछ ,डुबाउँछ यसरिनै
प्रकृतिले पनि झोपडीमै किन चटक देखाउँछ!?
१६ साउन २०७७, शुक्रवार १४:१५ बजे प्रकाशित
