धनगढी,२० बैशाख
कैलाली उद्योग वाणिज्य संघले लकडाउनका कारण समस्यामा परेकाहरुका लागि भन्दै राहत सामाग्री हस्तान्तरण गरेको छ । उद्योग वाणिज्य संघका अध्यष पुष्पराज कुँवर, बरिष्ठ उपाध्यक्ष पुष्कर ओझा लगायतको टोलीले धनगढी उप–महानगरपालिकाका प्रमुख नृपबहादुर वडलाई १ लाख १९ हजारको खाद्यान्न र ३ लाख ३२ हजार नगद उपलब्ध गराउने गरि समझदारी पत्र हस्तान्तरण गरेका हुन ।

अध्यक्ष कुँवरका अनुसार होटल ब्यावसायी संघ कैलाली बाट २५ हजार , हार्डवयर ब्यावसायी संघ कैलाली २१ हजार ७५ वराबरको खाद्यान्न, नाटा सुदूरपश्चिम बाट ५ हजार, किराना ब्यावसायी संघबाट ६ हजार ५००, धनगढी होलसेल ब्यावसायी संघबाट ६ हजार १००, मदिरा ब्यावसायी संघ कैलालीबाट १६ हजार ८ सय ७५, ईलेक्ट्रोनिक्स ब्यावसायी संघ कैलालीबाट १६ हजार ८ सय ७५, पुस्तक ब्यावसायी संघ कैलालीबाट १५ हजार, पोल्ट्री ब्यावसायी संघ कैलालीबाट १८ हजार र तरकारी ब्यावसायी संघ कैलालीबाट ३८ हजार बराबरको आलु संकलन गरेर राहत स्वरुप उप–महानगरपालिकालाई उपलब्ध गराईएको जानकारी दिए ।कैलाली उद्योग बाणिज्य संघले गरेको सहयोग लकडाउनका कारण समस्यामा परेकाहरु सम्म पु¥याउने नगरप्रमुख वडले बताए ।

२० वैशाख २०७७, शनिवार ०६:४९ बजे प्रकाशित