राप्रपा केन्द्रीय समितिको बैठक आजदेखि शुरू हुँदै,यस्ता छन् एजेन्डा
राष्ट्रिय प्रजातन्त्र पार्टी ९राप्रपा० को केन्द्रीय समितिको पूर्ण बैठक आज सोमवारदेखि शुरू हुँदैछ ।
पार्टी केन्द्रीय कार्यालय धुम्बाराहीमा शुरू हुने बैठक जेठ ३ गतेसम्म चल्नेछ ।
बैठकमा मुलुकको समसामयिक राजनीतिक अवस्था, गत वैशाख १० गते सम्पन्न उपनिर्वाचनको समीक्षा, प्रदेश तथा जिल्लाका सांगठनिक गतिविधि सहितको रिपोर्टिङ तथा राष्ट्रिय तथा अन्तर्राष्ट्रिय परिस्थितिबारे छलफल गरिने जनाइएको छ ।
बैठकमा पार्टी अध्यक्ष राजेन्द्र लिङ्देनले भावी कार्यदिशा सम्बन्धी राजनीतिक प्रतिवेदन, वरिष्ठ उपाध्यक्ष रवीन्द्र मिश्रले पार्टीको संगठनको रणनीति र कार्यनीति सम्बन्धी प्रतिवेदन प्रस्तुत गर्नेछन् ।
बैठकमा पेश हुने प्रतिवेदनमाथि केन्द्रीय सदस्यले आफ्नो धारणा राख्ने तथा बैठकले पार्टीको आगामी कार्ययोजना र कार्यदिशाबारे आफ्नो धारणा बनाउने राप्रपाले जनाएको छ ।
१ जेठ २०८०, सोमवार ०७:४४ बजे प्रकाशित
