कैलाली ।   विस्फोटक पदार्थमा प्रयोग हुने कच्चा पदार्थ सहित कैलालीमा प्रहरीले एक जनालाई पक्राउ गरेको छ ।  जिल्लाको कैलारी गाउँपालिका ३ मोहनपुर स्थित विओपी खोनपुर बाट खटिएको सशस्त्र प्रहरी बलको टोलीले  विस्फोटक पदार्थमा प्रयोग हुने कच्चा पदार्थ सहित सोमनारायण गामु डगौरालाई  पक्राउ गरेको हो ।

भारतबाट विस्फोटक पदार्थमा प्रयोग गर्न ल्याइएको कच्चा पदार्थ सहित   डगौरालाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक वेद प्रकाश जोशीले जानकारी दिए   ।  कैलारी गाउँपालिका ४ का ४७ वर्षीय डगौराले आफ्नो  रा २ प ४२८७ नम्बरको मोटरसाइकलमा कच्चा पदार्थ ल्याइरहेका थिए । उनीसँग प्रहरीले २३ किलो गन्धक, ५किलो सुरा बरामद गरेको हो ।

उनी माथि थप अनुसन्धान भइरहेको प्रहरीले जनाएको छ ।