टोखाबाट चितुवाको छालासहित एकजना पक्राउ
काठमाडौंको टोखा नगरपालिका–८ ग्रीनल्याण्ड एरियाबाट संरक्षित वन्यजन्तु चितुवाको छाला आखेटोपहार एक थानसहित एकजना पक्राउ परेका छन् । पक्राउ पर्नेमा उदयपुर ताप्ली गाउँपालिका–२ बस्ने ५० वर्षीय मदनबहादुर श्रेष्ठ छन् ।
केन्द्रीय अनुसन्धान व्युरो महाराजगंजबाट खटिएको प्रहरीले उनलाई उक्त आखेटोपहारसहित फेला पारी पक्राउ गरेको हो । उनलाई आवश्यक कारबाहीका लागि डिभिजन वन कार्यालय हात्तीसार काठमाडौंमा बुझाइएको छ ।
२३ मंसिर २०७९, शुक्रवार १६:२५ बजे प्रकाशित
