कैलालीमा बलेरो जिपले छाडा गोरुलाई ठक्कर दिई पल्टिदा घाइते भएका एक युवकको मृत्यु भएको छ ।
बुधबार धनगढी उपमहानगरपालिका ३ भाटभटेनी अगाडी धनगढीबाट अत्तरिया तर्फ जादै गरेको से१ज ८९० नम्बरको बलेरो जिपले छाडा गोरुलाई ठक्कर दिई पल्टिदा गोरुको घट्नास्थलमानै मृत्यु भएको थियो ।

बझाङ्ग तलकोट गा.पा. ५ का चालक २२ बर्षिय राम संत्यालले जिप चलाएका थिए । जिपमा सवार करिव बर्ष २४ का आकाश मल्ल घाइते भएका थिए । आकाश मल्लको दाहिने कानमाथी टाउकोमा चोट लागेको माया मेट्रो अस्पताल धनगढीमा लगी उपचार भईरहेको अवस्था आज मृत्यु भएको हो ।

चालकलाई केही नभएको र जिप र जिप चालक प्रहरीको नियन्त्रणमा रहेको जिल्ला प्रहरी कार्यलय कैलालीका प्रहरी नायव उपरिक्षक बेद प्रकाश जोशीले बताए ।

२९ असार २०७९, बुधवार २१:३९ बजे प्रकाशित