कैलालीको गोदावरी नदीमा डुबेर किशोरीको मृत्यु
कैलालीमा नदीमा डुबेर १५ वर्षीया किशोरीको मृत्यु भएको छ । जिल्लाको गोदावरी नगरपालिका वडा नं २ की किशोरी खेमा खड्काको डुबेर मृत्यु भएको प्रहरीले जनाएको छ ।
आफ्ना साथीहरुसँग नुहाउन गएकी उनको गोदावरीको (भाइरल) काठेपुलमुनिको तलाउमा डुबेर मृत्यु भएको हो । उनीसँगै रहेका अन्य ६ जना भने सकुशल रहेको जिल्ला प्रहरी कार्यलय कैलालीले जनाएको छ ।
मृतक खड्काको शव पोष्टमार्टमको लागि सेती प्रादेशीक अस्पतालमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
२५ फागुन २०७८, बुधवार २०:५३ बजे प्रकाशित
