राष्ट्रिय युवा संघका केन्द्रीय इन्चार्ज तथा नेकपा एमालेका पूर्व मन्त्री महेश बस्नेतले सत्तामै बसेर, सरकारले संसदमा ल्याएको प्रस्तावविरुद्ध अभिव्यक्ति दिएर पुष्पकमल दाहाल र माधव नेपालले एमसीसी सम्झौतालाई गिजोलेको आरोप लगाएका छन् ।

पूर्व मन्त्री बस्नेतले दाहाल र माधव नेपालकै दोहोरो भूमिकाले गर्दा एमसीसी परियोजनाबारे आम जनतामा व्यापक भ्रम सिर्जना भएको समेत आरोप लगाएका छन् । प्रेस चौतारी कैलालीले मंगलबार धनगढीमा आयोजना गरेको पत्रकार सम्मेलनमा बोल्दै बस्नेतले एमसीसीका सम्बन्धमा दाहाल र नेपालका चार अबतार देखिएको व्यङ्ग्य गर्दै उनीहरुकै कारण मुलुक द्वन्द्वतिर धकेलिएको र यसको सबै जिम्मेवारी उनीहरुले नै लिनुुपर्ने दाबी गरे ।

पौराणिक कालका ब्रम्हाका जस्तै एमसीसीमा दाहाल र माधव नेपालका चार मुख देखिएको बस्नेतको आरोप छ । एक मुखले एमसीसी संसदबाट पास गरौँ भन्ने, अर्काे मुखले एमसीसीलाई चिठी लेखेर पाँच महिनाभित्र पारित गछौँ भन्ने, फेरि कतिखेर प्रधानन्यायाधिशलाई महाअभियोग लगायो भने पास गछौँ र गठबन्धन पनि जोगाउँछौँ भन्ने, अनि अर्काे मुखले संशोधन भए पनि नभएपनि संकल्प प्रस्ताव लैजाउ भनेर विरोधमा सडकमा कार्यकर्ता उतारेर दुवै नेताले राजनीतिक जात्रा देखाएको आरोप बस्नेतको छ ।

बस्नेतले माओवादी र एकीकृत समाजवादी पार्टीले आफ्ना कार्यकर्ताहरुलाई सडकमा रमिता गराउँदै मुुलुुकलाई द्वन्द्वतिर धकेल्ने काम गरिरहेकाले सबै जिम्मेवारी दुवै नेताले लिनुुपर्ने बताए । ‘एमसीसीका नाममा मुुलुुकमा अर्को द्धन्द्ध सिर्जना गर्दै कार्यकर्ताहरुलाई सडकमा उतारेर पुुलिसमाथि ढुुङ्गा हान्ने काममा पठाएका छन्, यसको जिम्मेवारी पाँच दलीय गठबन्धन र चार मुखे अवतार प्रचण्ड र माधवले लिनुुपर्छ ।’ उनले भने । मुलुकलाई भिडन्त र द्वन्द्वमा लैजाने अन्तर्राष्ट्रिय शक्तिको खेल मैदान बनाउने परिस्थिति बनेको छ यसको जिम्मेवारी अहिलेको गठबन्धने लिनुपर्ने उनले बताए ।

एमसीसी सम्झौतालाई विकास अनुदानको रुपमा स्वीकार गर्ने हकमा नेपालका सबै राजनीतिक दलहरुले सरकारमा हुुँदा कुनै न कुुनै हिसाबले भूमिका खेलेको उल्लेख गर्दै अन्तराष्ट्रिय शक्तिहरुले नेपाललाई खेल मैदान बनाउनुु खोज्नुु दुुर्भाग्यपूूर्ण भएको जनाए । एमसीसीका सम्बन्धमा एमालेले किन स्पष्ट धारण राखेको छैन रु भन्ने विषयमा बस्नेतले आफूहरु प्रतिपक्षको भूमिकामा भएकाले अहिले नै त्यो बेला नभइसकेको बताए ।

१० फागुन २०७८, मंगलवार १६:१२ बजे प्रकाशित