कैलाली उद्योग वाणिज्य संघ कैलालीले नेपाल पुस्तक तथा स्टेशनरी महासंघका केन्द्रीय अध्यक्ष सञ्जय चौधरीलाई स्वागत तथा सम्मान गरेको छ । उद्योग वाणिज्य संघले शनिबार एक कार्यक्रमको आयोजना गर्दै पुस्तक तथा स्टेशनरी महासंघका अध्यक्ष चौधरीलाई स्वागत तथा समान गरेको हो ।

कार्यक्रममा स्वागत तथा समान ग्रहणपछि बोल्दै अध्यक्ष चौधरीले आफू यहाँसम्म पुग्नुमा कैलाली उद्योग वाणिज्य संघको ठूलो हात रहेको बताए । उनले सुदूरपश्चिममा थुप्रै व्यवसायहरु रहेको र ती व्यवसायहरुले पनि केन्द्रमा नेतृत्व गर्न आवश्यक रहेको बताए । उद्योग वाणिज्य संघसँग समन्वय सहकार्य गरेर अगाडि बढ्ने उनले बताए ।

कार्यक्रममा कैलाली उद्योग वाणिज्य संघका अध्यक्ष पुस्पराज कुँवरले चौधरीले सुदूरपश्चिमबाट इतिहास रच्न सफल हुनु भएको भन्दै खुशी व्यक्त गरे । उनले यस प्रदेशबाट पनि सम्भावना छ भनेर चिनाउन सफल हुनु भएको भन्दै अध्यक्ष चौधरीलाई कार्यकालको शुभकामना पनि दिए । उनले आफू पनि पुस्तक तथा स्टेशनरी महासंघसँग समन्वय सहकार्य गर्न इच्छुक रहेको बताए ।

कार्यक्रममा कैलाली उद्योग वाणिज्य संघका वरिष्ठ उपाध्यक्ष पुष्कर ओझाले स्वागत मन्तव्य राखेका थिए ।

१५ माघ २०७८, शनिवार ११:३० बजे प्रकाशित