दार्चुलाको व्याँस गाउँपालिकास्थित छाङ्गरुमा निर्माणधीन सशस्त्र प्रहरी बल नेपाल नम्बर ५० गुल्मको भवन अलपत्र परेको छ । निर्माणको जिम्मेवारी पाएको ग्वालेक नाती जोइन्ट भेञ्चर कन्सट्रक्सनले समयमै काठको लागि अनुमति नलिदा भवन निर्माण अलपत्र परेको हो ।

अनुमतिबीनै भवन निर्माण सुरु गरि निर्माण व्यवसायीले जङ्गल फडानी गरेको भन्दै उजुरी परेपछि भवन निर्माण रोकिएको छ । छाङ्गरु संरक्षण सामुदायिक वन समिति र स्थानीयले अनुमतिबीनै काठ काटेको भन्दै अपि नाम्पा संरक्षण क्षेत्रमा अनुसन्धान गर्न माग गर्दै उजुरी गरेका थिए ।

उजुरीपछि गत असोज १५ गते अपि नाम्पा संरक्षण क्षेत्र कार्यालय दार्चुलाका रेन्जर प्रयास केसी, भुवनेश्वर चौधरीलगायतको प्राविधि टोलीले काठको अनुसन्धान गरेको थियो ।

गत असोज २० गते अपि नाम्पा संरक्षण क्षेत्र कार्यालयका प्रमुख संरक्षण अधिकृत गणेश पौडेललाई बुझाइएको प्रतिवेदनमा निर्माण व्यवसायीले १ हजार २ सय ९२ दशमलव २ क्यूफिट काट प्रयोग गरेको भेटिएको हो ।

स्रोतका अनुसार कुन–कुन क्षेत्रबाट काठ काटिएको भन्ने पूर्ण रुपमा प्रतिवेदनमा उल्लेख गरिएको छैन् । तर भवन निर्माणको लागि चाहिने काठको अनुमति नलिएरै सो मात्राको काठ भने भवनमा प्रयोग भएको छ ।

भवन निर्माणको क्रममा अनुमतिबीनै जङ्गल फडानी गरि ठेकेदारले भवनमा काठको प्रयोग गरेको स्थानीयको आरोप छ । सशस्त्र प्रहरीको भवन निर्माणको क्रममा अपि नाम्पा संरक्षण क्षेत्रभित्र पर्ने छाङ्गरु संरक्षण सामुदायिक वनको अनुमित नदिएरै ठेकेदारले काठ दोहन गरेको भन्दै अनुसन्धान र छानबीन गरि कारवाही गर्न माग गरेको थियो ।

व्यासको छाङ्गरु गागामा निर्माणाधीन सशस्त्र प्रहरीको ४० कोठे भवन निर्माण हुन लागेको हो । भवन निर्माणको क्रममा पाँच हजार क्यूफिट काठ आवश्यक छ । सरकारले सशस्त्र प्रहरीको भवन निर्माण र नेपाल प्रहरीको भवन निर्माणको लागि यहि भदौ २१ गते ८ हजार ५०० क्यूफिट काठ काट्नको लागि अनुमति दिएको छ ।

ठेकेदारले ०७७ असोज ९ गते भवन निर्माण सुरु गरेको थियो । भवन निर्माण सुरु गरेको एक वर्षपछि मात्रै मन्त्रिपरिषद बैठकको निर्णय गराएर काठको अनुमति पाएको हो ।

भवनमा प्रयोग भएको काठको बारेमा निर्माण व्यवसायीलाई अपि नाम्पा संरक्षण क्षेत्र कार्यालयले लिखित जवाफ मागेको थियो । कार्यालयले मागेको जवाफमा निर्माण व्यवसायीले नीजि आवासीय वन, ४५० क्यूफिट काठ सामुदायिक वन, भवन निर्माणस्थल वरपर काम गर्दा निस्केको काठ र हेलिप्याड निर्माणस्थलमा रहेको काठ काटिएको दाबी गरेको छ ।

निर्माण व्यवसायीले काठेको काटको सम्बन्धमा प्रतिवेदनले के भन्छ र कार्वाही प्रक्रियाबारे बुझ्न व्यास गाउँपालिका वडा नम्बर १ का वडाध्यक्ष अशोकसिह बोहरा, प्रदेश सभा सदस्य गेल्बुसिह बोहरालगायतका स्थानीय सोमबार अपि नाम्पा संरक्षण क्षेत्र कार्यालय पुगेका हुन् ।

उनीहरुले भवनमा प्रयोग भएको काठ र अहिलेसम्म भएको अनुसन्धान प्रक्रियाबारे चासो राखेका छन् । उनीहरुले अपि नाम्पा संरक्षण क्षेत्र कार्यालयबाट भएको अनुसन्धान प्रतिवेदन दिन माग गर्नुभएको छ ।

अपि नाम्पा संरक्षण क्षेत्र कार्यालय दार्चुलाका प्रमुख संरक्षण अधिकृत पौडेलले अहिले पनि उक्त काठको बारेमा अनुसन्धान भइरहेको दाबी गरे ।

एक वर्षभित्रै निर्माण सक्ने गरी कुल रु १० करोड लागतमा भवन निर्माणको काम सुरु गरिएको निर्माण व्यवसायी सुरेश चन्दले शिलान्यासको बेला उद्घोष गरेका थिए । २०७७ असोज ९ गते तत्कालीन गृहमन्त्री राबहादुर थापा बादलले भवनको शिलान्यास गरेसँगै भवन निर्माणलाई तिव्रता दिने निर्माण व्यवसायीको काम अहिले भने अलपत्र परेको छ ।

भवन निर्माणमाढिलाई हुँदा सशस्त्र प्रहरीले चिसो मौसमा शास्ती भोग्नुपरेको छ । भवन निर्माणमा प्रयोग भएको काठको मुद्वाका कारण भवन निर्माण झन ढिलाई हुँदै गएको छ ।

७ पुस २०७८, बुधवार १८:२१ बजे प्रकाशित