एमाले अध्यक्ष केपी शर्मा ओलीले जारी केन्द्रीय कमिटी बैठकमा केन्द्रीय सदस्यमा मनोनित गर्ने नेताहरुको नाम प्रस्ताव गरेका छन् । बैठकमा ओलीले प्रस्ताव गरेका नामहरूमा व्यवसायी दुर्गा प्रसाई पनि रहेका छन् ।

प्रसाईसँगै रमेश पौडेल, विशाल भट्टराई, ऐन महरलगायत छन् । प्रस्तावित नाममाथि अहिले छलफल भइरहेको छ । गट्ठाघरस्थित जर्मन होम पार्टी प्यालेसमा जारी बैठकमा आजै स्थायी समति र पोलिटब्यूरो गठनका लागि अध्यक्ष ओलीले नाम प्रस्ताव गर्नेछन् ।

एमालेको विधान अनुसार केन्द्रीय कमिटीले १० प्रतिशत केन्द्रीय सदस्य मनोनित गर्ने व्यवस्था छ । शनिबारबाट सुरु भएको एमालेको दोस्रो बैठक आजै सक्ने तयारी छ ।

२६ मंसिर २०७८, आइतवार १३:१३ बजे प्रकाशित