कञ्चनपुरको पुनर्वास बाट मोटर साइकल सहित लागुऔषध ओसार पोसार गरिरहेको अवस्थामा सशस्त्र प्रहरीले दुई जनालाई पक्राउ गरेको छ ।सीमावर्ती भारतको मिलन बजार बाट नेपाल भित्र्याउँदै गरेको अवस्थामा से ७ प ६३२१ नम्बरको मोटरसाइकल सहित मङ्गलवार सशस्त्र प्रहरीले पुनर्वास –६ ९ङ० गाउँबाट पक्राउ गरेको छ ।

पक्राउ पर्नेमा कैलाली जिल्लाको गोदावरी नगरपालिका –२ आदर्श टोल बस्ने १९ वर्षीय हेमन्त भट्ट र २० वर्षीय भीम साउद रहेका छन् । तिनीहरूको साथबाट ३०० ट्याब्लेट लागू औषध बरामद गरिएको सशस्त्र प्रहरी बोर्डर आउटपोष्ट पुनर्वासका सशस्त्र प्रहरी निरीक्षक निम भण्डारीले जानकारी दिए ।

पक्राउ परेका दुबैजनालाई थप अनुसन्धानका लागि इलाका प्रहरी कार्यालय त्रिभुवनबस्तीको जिम्मा लगाइएको सशस्त्र प्रहरीले जनाएको छ ।

१९ असोज २०७८, मंगलवार १६:०४ बजे प्रकाशित