एमालेबाट विभाजन भएर गठन भएको एमाले (समाजवादी)मा सुदूरपश्चिम प्रदेशबाट केन्द्रीय समितिमा सात जना परेका छन् ।

एमालेका बरिष्ठ नेता माधवकुमार नेपाल पक्षले बुधबार दल दर्ताका लागि निर्वाचन आयोगमा दिएको सूचीमा सुदूरपश्चिममा सात जनाको हस्ताक्षर छ । नेपाल समूहले नयाँ दल दर्ताका लागि ९५ जनाको हस्ताक्षरसहित आयोगमा निवेदन दिएका छन् ।

सुदूरपश्चिमबाट मदनकुमारी शाह (गरिमा), निरादेबी जैरु, प्रेमबहादुर आले, भानुभक्त जैसी, उर्वादत्त पन्त, माया भट्ट र पूर्णा जोशी केन्द्रीय समितिमा छन् ।

नेपाल समूहमै रहेका भीम रावलले अन्तिम समयमा नेपाललाई साथ दिएनन् । माधव समूहलाई छोडेर पार्टी एकताका लागि सक्रिय रहेका उनी ओली पक्षमा पनि खुलेका छैनन् ।

२ भदौ २०७८, बुधवार १९:२८ बजे प्रकाशित