सेती प्रादेशिक अस्पतालको प्रयोगशालामा शनिबार १९ जनामा कोरोना संक्रमण पुष्टि भएको छ ।

प्रयोगशालामा गरिएको १३९ नमूनाको परीक्षणमा १९ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए ।

उनकाअनुसार हाल अस्पतालमा २५ जना संक्रमित उपचाररत छन्। जसमध्ये ३ जना संक्रमित आईसीयूमा उपचाररत रहेको अस्पतालले जनाएको छ ।

यस्तै आज नै तीन जना बिरामी निको भएर घर फर्किएका छन् भने १० जना अस्पताल भर्ना भएको सूचना अधिकारी श्रेष्ठले जानकारी दिए ।

९ साउन २०७८, शनिवार १४:५५ बजे प्रकाशित