धनगढीमा सडकमै रोपियो धान
धनगढी । धनगढी उपमहानगरपालिकाको एक सडकमा स्थानीयले धान रोपेका छन् । उपमहानगरपालिका- ५ हसनपुर–शिवनगर सडक हिलाम्य भएपछि स्थानीयले त्यसैमाथि धान रोपेका हुन् ।
उपमहानगरपालिकाले उक्त सडक पिच गर्ने भनेर भत्काए पनि काम अगाडि बढाउन ढिलाइ गर्दा वर्षामा समस्या भोग्न परेको स्थानीयले बताएका छन् ।
सडक स्तरोन्नति गर्ने बहानामा पिच सडक भत्काएको तीन वर्ष बितेपनि नबनाएको भन्दै स्थानीय आक्रोशित बनेका छन् । स्थानीयले नगरप्रमुखलगायत जनप्रतिनिधि, निर्माण व्यवसायीविरुद्ध नाराबाजीसमेत गरे ।
६ असार २०७८, आइतवार १७:५० बजे प्रकाशित
