बाजुरामा भिरबाट लडेर एक जनाको मृत्यु
बाजुरा। त्रिवेणी नगरपालिका–६ पन्धाराका ४१ वर्षीय सन्तोष बुढाको भिरबाट लडेर मृत्यु भएको छ।
ढाडखर्क क्षेत्रमा बाख्रा चराउने क्रममा शुक्रबार बिहान भिरबाट लड्दा उनी गम्भीर घाइते भएका थिए।
घाइते बुढालाई उपचारका लागि न्याय हेल्थ अस्पताल बयलपाटा, अछाम लगिएको र थप उपचारका लागि सेती प्रादेशिक अस्पताल धनगढी रेफर गरिएको थियो।
धनगढीतर्फ ल्याउँदै गर्दा चिकित्सकले जाँच गर्दा बाटोमै उनको मृत्यु भएको जनाएको छ।
घटनाबारे प्रहरीले आवश्यक अनुसन्धान गरिरहेको छ।
२४ माघ २०८२, शनिवार १०:०८ बजे प्रकाशित
