काठमाडौं । बैतडीमा भारी वर्षा मापन गरिएको छ ।

जल तथा मौसम विज्ञान विभागका अनुसार बैतडीको सिद्धपुर केन्द्रमा पछिल्लो १२ घन्टामा १०८ मिलिमिटर वर्षा भएको हो ।

विभागका अनुसार त्यस आसपासको क्षेत्रमा थप वर्षा हुन सक्ने सम्भावना रहेकोले स–साना नदीहरूमा जलसतह केही बढ्ने छ ।

कमजोर तथा भिरालो जमिनमा पहिरोको जोखिम रहेकाले सतर्कता अपनाउन विभागले आग्रह गरेको छ ।

१४ भदौ २०८१, शुक्रवार १०:३९ बजे प्रकाशित