पोखरामा स्कुल बस दुर्घटना हुँदा दुई जनाको मृत्यु, २८ जना घाइते,तीनको अवस्था गम्भीर
पोखरामा सोमबार बिहान स्कुल बस दुर्घटनामा हुँदा आमाछोराको मृत्यु भएको छ । मृत्यु हुनेमा एलपी देवकोटा मेमोरियल विद्यालयकी कार्यालय सहयोगी ३३ वर्षीया आरती विक र उनका अन्दाजी ५ वर्षीय छोरा प्रिन्स विक छन् ।दुर्घटनामा परेर गम्भीर घाइते भएका प्रिन्सको गण्डकी मेडिकल कलेजमा उपचारका क्रममा मृत्यु भएको हो। 
दुर्घटनामा परेर २८ जना घाइते भएका छन् । घाइते मध्ये तीनजनाको अवस्था गम्भीर रहेको प्रहरीले बताएको छ।
घाइते विद्यार्थीको गण्डकी मेडिकल कलेज र मणिपाल शिक्षण अस्पतालमा उपचार भइरहेको कास्की प्रहरी प्रवक्ता वसन्तकुमार शर्माले जानकारी दिए ।
आज बिहान पोखरा-२१ कृस्तीमा एलपी देवकोटा मेमोरियल विद्यालयको ग १ क ६२१९ नं. को स्कुल बस विद्यार्थीसहित दुर्घटनामा परेको थियो । बस सडकबाट अन्दाजी ५० मिटर तल खसेको प्रहरीको भनाइ छ ।
घाइते विद्यार्थीको गण्डकी मेडिकल कलेज र मणिपाल शिक्षण अस्पतालमा उपचार भइरहेको कास्की प्रहरी प्रवक्ता वसन्तकुमार शर्माले जानकारी दिए ।
१४ साउन २०८१, सोमवार १२:२५ बजे प्रकाशित
