बौनिया स्थित जय महाकाली ग्रामीण विद्युत सहकारी संस्था लिमिटेडको अध्यक्षमा हिक्मत बम निर्वाचित भएका छन् ।
अध्यक्ष पदमा सहमति नजुटे निर्वाचन भएको थियो । तीन कार्यकाल अध्यक्ष रहेका हिक्मत बम २ सय ८९ मत ल्याई पुन विजयी भए ।
बमले निकटतम प्रतिस्पर्धी मदन राज ढुङ्गाना लाई ९६ मतान्तरले पराजित गरे । ढुङ्गानाले १ सय ९३ मत पाएका थिए ।
बिहान ८ बजे बाट सुरु भएको मतदानमा ४ सय ८४ मत खसेको थियो । जय महाकाली ग्रामीण विद्युतमा ९०३ शेयर सदस्य मतदाता रहेका छन् ।
यसै गरि उक्त सहकारीमा उपाध्यक्षमा सन्तलाल थारु, कोषाध्यक्षमा कुसुम देवी चौधरी र सचिवमा दिलिप ढुङ्गाना सहित ५ सदस्यहरू यस अघि नै सर्वसम्मत भइसकेका छन् ।

१६ फागुन २०७९, मंगलवार २३:३८ बजे प्रकाशित