दिदीबहिनी कृषि महिला सहकारी संस्था धनगढी–६ जालीको पहिलो वार्षिक साधारण सभा धनगढीमा सम्पन्न भएको छ ।

सहकारीकी अध्यक्ष लक्ष्मी बमको सभापतित्वमा सम्पन्न भएको कार्यक्रमको प्रमुख अतिथि जिल्ला सहकारी सङ्घका अध्यक्ष फणीराज सापकोटा रहेका थिए । साधारण सभाको विशिष्ट अतिथि धनगढी उपमहानगरपालिका वडा नम्बर ६का –वडा अध्यक्ष भागिराम चौधरी रहेका थिए ।

कार्यक्रममा प्रमुख अतिथि सापकोटाले अहिले सहकारीले ग्रामीण क्षेत्रमा आर्थिक प्रबाहमा अहम् भूमिका भएको बताए । सहकारीका माध्यमबाट नागरिकमा रकम प्रवाह गरी यसले आर्थिक चलायमान बनाउन महत्त्वपूर्ण योगदान पुगाएको बताउँदै अध्यक्ष सापकोटाले संस्था खोल्नु भन्दा पनि दिगोरुपमा सञ्चालन गर्न सक्नु पर्ने बताए ।

यस्तै कार्यक्रमका विशिष्ट अतिथि तथा वडा अध्यक्ष भागिराम चौधरीले सहकारीलाई सक्दो सहयोग गर्ने प्रतिबद्धता व्यक्त गरेका थिए ।

सहकारीले आर्थिक वर्ष २०७८–०७९को आय ब्याय तथा वार्षिक प्रगति प्रतिवेदन समेत पारित गरेको छ । यस्तै उपाध्यक्ष रम्भादेबि थापा स्वागत मन्तव्य राखेको कार्यक्रममाको संचालक सत्यादेबि सिंहले गरेकी थिइन् ।

यस्तै सहकारीको आर्थिक प्रतिवेदन कोषाध्यक्ष सिर्जना श्रेष्ठले गरेकी थिइन् ।

९ फागुन २०७९, मंगलवार १७:२४ बजे प्रकाशित