प्रदेश सभाको आजको कार्यसूची र आगामी बैठक बारे छलफल गर्न सर्वदलीय बैठक बस्दै
कैलाली। सुदूरपश्चिम प्रदेश सभामा आज सभामुखको निर्वाचन हुँदै छ । सभामुखको निर्वाचनको लागि १ बजे प्रदेश सभाको बैठक बोलाइएको छ । यसै बिषयमा छलफल गर्न अहिले सर्वदलीय बैठक बस्ने तयारी भइरहेको छ ।
केही सांसदहरू प्रदेश सभामा पुगिसकेका छन् । केही आउने क्रममा छन् । सबै दलका प्रतिनिधिहरू पुगे लगत्तै सर्वदलीय बैठक बस्ने छ ।
बैठकले आजको कार्यसूची तयार गर्ने छ भने आगामी बैठकको मिति तय गर्ने छ ।
२८ पुस २०७९, बिहीवार ११:०५ बजे प्रकाशित
