विमान दुर्घटनामा धनुषाको एकै परिवारका ७ जनाको मृत्यु
तारा एयरको जहाज दुर्घटनामा धनुषाका एकै परिवारका ७ जनाको मृत्यु भएको छ । आइतवार भएको जहाज दुर्घटनामा मिथिला नगरपालिका-११, लोटाका एकै परिवारका उनीहरूको मृत्यु भएको हो ।
मृत्यु हुनेमा राजनकुमार गोले र उनका बुबा इन्द्रबहादुर गोले, आमा राममाया तामाङ, काका पुरुषोत्तम गोले, काकी तुलसादेवी तामाङ, मामा मकरबहादुर तामाङ र माइजु सुकुमाया तामाङ रहेको परिवारजनले पुष्टि गरेको मिथिला नगरपालिका प्रमुख महेन्द्र महतोले फेसबुकमार्फत् जानकारी दिएका छन् ।
उनीहरु मुक्तिनाथ दर्शनका लागि जोमसोम जाँदै थिए । तारा एयरको जहाजमा रहेका २२ जनाको दुर्घटनामा मृत्यु भएको छ ।
१६ जेठ २०७९, सोमवार १६:०४ बजे प्रकाशित
