एमाले महाधिवेशन : बिहान ४ बजेपछि सुरू भयो मतदान
चितवनको सौराहमा जारी नेकपा एमालेको १०औं राष्ट्रिय महाधिवेशनअन्तर्गत मंगलवार बिहानदेखि मतदान सुरू भएको छ ।
अध्यक्षका दुवै उम्मेदवार केपीशर्मा ओली र भीम रावलले मतदानस्थलमा पुगेर बिहानै मतदान गरेका छन् ।
केन्द्रीय निर्वाचन आयोगले सोमवार मध्यराति उम्मेदवारको अन्तिम नामावली प्रकाशन गरेकोमा मंगलवार बिहानदेखि मतदान शुरू भएको हो ।
मतदान शुरू भएसँगै एमाले पदाधिकारीका उम्मेदवारहरूले शुरूमा मतदान गरेका छन् । अध्यक्ष ओली, रावल, विष्णु पौडेललगायतले मतदान गरेका छन् ।
१४ मंसिर २०७८, मंगलवार ०५:४४ बजे प्रकाशित
