बैतडी : बैतडीको गोकुलेश्वर –सीमार सडक अवरुद्ध भएको छ । डिलाशैनी गाउँपालिका वडा नं ३ पङसेरामा पहिरो खसेपछि सडक अवरुद्ध भएको जिल्ला प्रहरी कार्यालय बैतडीले जनाएको छ । शनिबार राती सडकमा पहिरो खसेको हो ।

सडकमा पहिरो खसेपछि दार्चुलाको लटिनाथ जाने र बैतडीको सीमार जाने गाडीहरु बीचबाटोमै रोकिएका छन् । यस्तै चमेलिया हाइड्रोपावर सम्म जाने गाडीहरु पनि रोकिएका छन् । पहिरो पन्छ्याउने काम भईरहेको प्रहरीले जनाएको छ ।

१० साउन २०७८, आइतवार ११:४८ बजे प्रकाशित