कोरोनाबाट दाङमा वडाध्यक्षसहित दुई जनप्रतिनिधिको निधन
कोरोना संक्रमणबाट दाङमा वडाध्यक्षसहित दुई जना जनप्रतिनिधिको निधन भएको छ ।
कोरोना संक्रमणबाट जिल्लाको दंगीशरण गाउँपालिका वडा नं ३ का वडाध्यक्ष पूर्णबहादुर चौधरीको निधन भएको छ ।
६३ वर्षीय चौधरीको नेपालगञ्जस्थित कोहलपुर मेडिकल कलेजमा उपचारका क्रममा आज निधन भएको गाउँपालिकाका प्रवक्ता वीरबहादुर ओलीले जानकारी दिए ।
यसैगरी कोरोना सङक्रमबाट तुलसीपुर उपमहानगरपालिका १३ का वडा सदस्य केशरलाल चौधरीको निधन भएको छ । होम आइसोलेशनमा नै उनको गएराति निधन भएको जनाइएको छ ।
३ जेठ २०७८, सोमवार १८:०३ बजे प्रकाशित
