तीन दलको बैठक निष्कर्षविहीन
जसपाले केही दिनको समय मागेपछि ३ दलको बैठक निष्कर्षविहीन निष्कर्षविहीन भएको छ ।
प्रमुख प्रतिपक्षी दल नेपाली कांग्रेसका सभापति शेरबहादुर देउवाको निवास बूढानीलकण्ठमा बसेको कांग्रेस, माओवादी केन्द्र र जसपाको बैठकमा जसपाका शीर्ष नेताहरूले केही दिन समय मागेपछि बैठक निष्कर्षविहीन भएको हो ।
भावी सत्ता समीकरणका विषयमा पार्टीले निर्णय लिनै बाँकी रहेको भन्दै जसपाका नेताहरूले केही दिन समय दिन माग गरेका थिए । जसपाले प्रधानमन्त्री केपी शर्मा ओलीसँग पनि वार्ता अघि बढाउँदै आएको छ ।
वर्तमान सरकारलाई निरन्तरता दिने कि नयाँ सत्ता समीकरणमा सहभागी हुने भन्नेमा जसपामा दुई मत देखिएको छ । सोही विवादका कारण जसपाको केन्द्रीय कार्यकारिणी समिति बैठक समेत बस्न सकेको छैन ।
२७ चैत २०७७, शुक्रवार १७:२९ बजे प्रकाशित
