केही दिनयता कैलालीमा आतंक मचाइरहेको पाटे बाघ मार्न कैलालीको स्थानीय प्रशासनले आदेश दिएको छ।

जिल्ला सुरक्षा समिति कैलालीको आइतबार बसेको बैठकले सुरक्षाकर्मीलाई बाघलाई नियन्त्रणमा लिन सशस्त्र र जनपथ प्रहरीलाई आदेश दिएको हो।

केही दिनयता आफुहरु सो बाघको गतिविधिलाई गम्भीर रुपमा लिएको र व्यवस्थापन गर्न मातहतका निकायलाई परिपत्र गरेको कैलालीका प्रमुख जिल्ला अधिकारी यज्ञराज बोहराले बताए्।

पाटेबाघलाई सकेसम्म डार्ट गरेर (बेहोस बनाएर) नियन्त्रणमा लिइने उनले बताए । जिल्ला प्रहरी कार्यालय कैलालीका प्रहरी नायव उपरीक्षक प्रतीक बिष्टले नरभक्षी बाघलाई नियन्त्रणमा लिन डिभिजन वन कार्यालयले माथिल्लो निकायसँग पहल भइरहेको बताए।

३ फागुन २०७७, सोमवार १४:०० बजे प्रकाशित