नेकपा प्रचण्ड–नेपाल समूहकी नेतृ रामकुमारी झाँक्रीले राष्ट्रपति विद्यादेवी भण्डारी प्रधानमन्त्री केपी शर्मा ओलीको प्यादा भएको आरोप लगाएकी छन् ।

प्रचण्ड–नेपाल समूहको आज काठमाडौंमा आयोजित विरोध सभालाई सम्बोधन गर्दै उनले यस्तो आरोप लगाएकी हुन् । लोकतन्त्रमा सबैले बोल्न पाइन्छ भन्दै उनले कसैको मुख छोपेर नछोपिने बताइन् ।

राष्ट्रपतिविरुद्ध बोलेको आरोपमा आफूविरुद्ध अखिल नेपाल महिला संघ लागिरहेको भन्दै उनले भनिन्, ‘अहंकारी र सन्की प्रधानमन्त्रीको प्यादाको विरोधमा बोलेको हुँ,’ उनले भनिन्, ‘बोल्न पान्छ, राष्ट्रपति संस्थाविरुद्ध बोलेको छैन ।’ एक सम्मानित संस्थामा रहेको एक खलपात्रविरुद्ध आफू बालेको उनले प्रष्ट पारिन् ।

साथै उनले प्रधानमन्त्री ओली अब कागजी बादशाहका रुपमा मात्रै रहेको र उनी ढलिसकेको उनले बताइन् । साथै उनले सर्वोच्च अदालतले पनि संविधानअनुसार शक्ति पृथकीकरणको शिद्धान्तको आधारमा फैसला गर्ने विश्वास व्यक्त गरिन् ।

२८ माघ २०७७, बुधवार १४:५७ बजे प्रकाशित