सत्तारुढ दल नेपाल कम्यनिष्ट पार्टी (नेकपा) को प्रचण्ड–नेपाल समूहको स्थायी कमिटी बैठक पेरिस डाँडामा सुरु भएको छ ।

समूहका अध्यक्ष माधवकुमार नेपालको अध्यक्षतामा १२ बजेबाट पार्टी कार्यालय पेरिसडाँडामा बैठक शुरु भएको एक नेताले बताए ।

आइतवार बसेको बैठकले गरेका निर्णयहरुमा थप छलफल गर्न आज बैठक बसेको हो । प्रचण्ड नेपाल समूहका अध्यक्ष पुष्पकमल दाहाल प्रचण्ड पत्नीको उपचारका लागि भारततर्फ गएका छन् । प्रचण्डको अनुपस्थितीमा नेपालको एकल अध्यक्षतामा बैठक बसेको हो ।

आइतवारको बैठकमा एकताका बाँकी काम पूरा गर्न र नेताहरूलाई कार्यविभाजनका बारेमा छलफल गरिनेछ । यी काम पूरा गर्न नेता नेपालको संयोजकत्वमा एउटा कार्यदल गठन गरिएको छ ।

२० पुस २०७७, सोमवार १३:१३ बजे प्रकाशित