संसद विघटनविरुद्धका रिटमाथि आज प्रारम्भिक सुनुवाई
प्रतिनिधिसभा विघटनको घोषणाविरुद्ध परेका रिट निवेदनहरुमाथि आज प्रारम्भिक सुनुवाइ हुने भएको छ ।
१३ वटा रिट परेकोमा १२ वटामाथि आज एकल इजलासमा सुनुवाइ हुने भएको सर्वोच्च अदालतको मुद्दा महाशाखाका प्रमुख बाबुराम दाहालले जानकारी दिए । उनकाअनुसार अर्को एउटा रिट भने संवैधानिक इजलासमा आउँदो शुक्रबार पेश हुनेछ ।
आज सुनुवाइ हुने रिटमध्ये एउटा रिट ४ जना सांसदले पनि दायर गरेका छन् । रिट दायर गर्ने सांसदमा देव गुरुङ, कृष्णभक्त पोखरेल, शशी श्रेष्ठ र रामकुमारी झाँक्री छन् ।
८ पुस २०७७, बुधवार ०८:४३ बजे प्रकाशित
