लम्की, साउन ९ । कैलालीको लम्की चौराहमा एक युवकमाथि दिनदहाडै खुकुरी प्रहार भएको छ । लम्कीचौराहा नजिकै रहेको लम्की सार्वजनिक सौचालय अगाडिको एक सैलुनमा कपाल काटेर बाहिर निस्कने वितिकै एक समूहले लम्कीचुहा नगरपालिका वडा नम्बर १ का २८ वर्षीय रमेशबहादुर शाहीमाथि खुकुरी प्रहार गरेको जनाइएको छ ।

खुकुरी प्रहारबाट शाहीको दुबै काधको दायाँबायाँ गम्भीर घाउ लागेको छ भने शरीका अन्य भागमा समेत खुकुरीले काटेको छ । करीब ७÷८ जनाको समूहमा आएका आक्रमणकारीहरुले आक्रमण गरेको प्रत्यक्षदर्शीले बताएका छन् ।

अहिले घाइते शाहीको लालरत्न अस्पतालमा उपचार भइरहेको छ । ईलाका प्रहरी कार्यालय लम्कीले घटनाबारे बुझिरहेको जनाएको छ ।

९ साउन २०७७, शुक्रवार १०:२५ बजे प्रकाशित