कञ्चनपुर,जेठ २९। कञ्चनपुरको बेलौरी नगरपालिकामा १४ वर्षीया बालिकामाथि बलात्कार भएको छ । बेलौरी नगरपालिका ७ का २५ वर्षीय युवक बिरु चौधरीलाई बालिका बलात्कारको आरोप लागेको प्रहरीले जनाएको छ ।

मध्यरातमा झ्यालबाट छिरेर बालिका सुतेको कोठामा गई बलात्कार गरेको आरोप लागेपछि इलाका प्रहरी कार्यालय बेलौरीको टोली राति नै घटनास्थल पुगेको थियोे ।

बालिकाले रातिको समयमा आफूमाथि चौधरीले बलात्कार गरेको जिकिर गरेकी छिन् । घटनाको वास्तविक सत्य तथ्यबारे मेडिकलको तयारी भइरहेको ईलाका प्रहरी कार्यालय बेलौरीले जनाएको छ । निज आरोपितलाई राति नै पक्राउ गरिएको प्रहरी निरीक्षक रण बहादुर चन्दले जानकारी दिए ।

२९ जेठ २०७७, बिहीवार ०८:२२ बजे प्रकाशित