नवनियुक्त मुख्यमन्त्री रावलको शपथ ग्रहण ४ बजे
कैलाली । सुदूरपश्चिम प्रदेशमा हिजो नियुक्त भएका एमाले संसदीय दलका नेता राजेन्द्र रावलले आज पद तथा गोपनीयताको शपथ ग्रहण गर्ने भएका छन् ।
आज साझ ४ बजे शपथ ग्रहण हुने भएको प्रदेश प्रमुख कार्यालयले जानकारी दिएको छ।
नवनियुक्त मुख्यमन्त्री रावललाई प्रदेश प्रमुख देवराज जोशीले शपथ ग्रहण गराउने छन् ।
२९ जना प्रदेश सभा सदस्यहरूको समर्थनमा प्रदेश प्रमुख जोशीले हिजै मुख्यमन्त्रीमा रावललाई नियुक्त गरेका थिए ।
२८ पुस २०७९, बिहीवार ०७:४९ बजे प्रकाशित
