काठमाडौंमा पत्रकार सरोजराज अधिकारी मृत फेला परेका छन् । सुन्धारास्थित एक होटलमा बुधबार अधिकारी मृत फेला परेका हुन् ।

प्रहरीका अनुसार सुन्धारामा रहेको सिद्धार्थ होटलमा अधिकारी मृत फेला परेका हुन् ।

होटलभित्र झुण्डिएको अवस्थामा अधिकारीको शव फेला परेको काठमाडौंका प्रहरी प्रमुख एसएसपी भरत बोहराले जानकारी दिए ।होटलको ५०२ नम्बर कोठामा उनी मृत भेटिएका हुन् ।

उनी तीन दिनदेखि होटलमा बस्न पुगेको जनाइएको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।

२३ कात्तिक २०७९, बुधवार २१:४८ बजे प्रकाशित