सुदूरपश्चिममा आइतबार थप २३ जनामा कोरोना संक्रमण पुष्टि भएको छ। स्वास्थ्य निर्देशनालयले सार्वजनिक गरेको तथ्यांकअनुसार आज ९४९ जनाको एन्टिजेन र ११ जनाको पीसीआर परीक्षण गर्दा २३ जनामा संक्रमण पुष्टि भएको हो।
संक्रमण पुष्टि भएका २३ मध्ये ६ जना आजै भारतबाट फर्केका नागरिक हुन्। आज सुदूरपश्चिमका नाका भएर ९८५ जना स्वदेश फर्केका छन्। निर्देशनालयका अनुसार प्रदेशमा १ हजार ५४६ जना सक्रिय संक्रमित पुगेका छन्।

१ फागुन २०७८, आइतवार २०:२२ बजे प्रकाशित