बझाङमा जिप दुर्घटना हुँदा एककाे मृत्यु
बझाङको जयपृथ्वी नगरपालिकामा जिप दुर्घटना हुँदा एक जनाको मृत्यु भएको छ ।शुक्रबार राति नगरपालिकाको वडा नं १, कैलाशबाट सदरमुकाम चैनपुर आउँदै गरेको सु.प ००९१ नम्बरको जिप जयपृथ्वी नगरपालिका वडा नं २ मोर्तोलीमा दुर्घटना भएको थियोे ।
जिप दुर्घटनामा सख्त घाइते भएका सवारीधनी पूरबहादुर सिंहको उपचारका लागि धनगढी लैजाँदै गर्दा बागथला नजिकै उनको मृत्यु भएको छ । दुर्घटनामा सिंहको छातीमा गम्भीर चोट लागेकोले उपचारका लागि धनगढी लैजाने क्रममा मृत्यु भएको उनका आफन्तले उकेस सिंह बताए ।
मोर्तोलीको विद्यालय नजिकैको घुम्तीमा जिप घुमाउने क्रममा जिप दुर्घटना भएको स्थानीय उत्तम साउदले बताए । अनियन्त्रित भएको जिप ५० मिटर तल खसेको थियोे ।
१ माघ २०७८, शनिवार १३:२० बजे प्रकाशित
