बालकको मृत्यु भएको घटनालाई लिएर केआईसिंह राजमार्ग बन्द
कारको ठक्करबाट बालकको मृत्यु भएको घटनालाई लिएर आफन्तले डाक्टर केआईसिंह राजमार्ग बन्द गरेका छन् ।
बिहीबार राति डोटीको शिखर नगरपालिका वडा नम्बर ६ तल्कोटमा कारको ठक्करबाट ८ वर्षका बालक गोरख बलायरको मृत्यु भएको घटनालाई लिएर आफन्तले डडेल्धुराको स्याउले र डोटीको दिपायल जोड्ने डाक्टर केआईसिंह राजमार्ग बन्द गरेका हुन् । उनीहरुले मृतकका परिवारलाई उचित क्षतिपूर्तिको माग गरेका छन् ।
बाटो बन्द भएपछि गाडी तथा यात्रु शिखर नगरपालिकावडा नम्बर ६ तल्कोटमा अलपत्र परेका छन् । राजमार्ग खुलाउन पहल भइरहेको प्रमुख जिल्ला अधिकारी भीमप्रसाद भट्टराइले जानकारी गराउनुभयो । बालकलाई ठक्कर दिने से १ त १००९ नम्बरको कार चालक कैलाली धनगढी उपमहानगरपालिका वडा नमबर १ का माधव गिरीलाई प्रहरीले नियन्त्रणमा लिएका छन ।
११ पुस २०७७, शनिवार १३:४६ बजे प्रकाशित
