धनगढी। प्रधानमन्त्री केपी शर्मा ओलीले पुर्व राजा ज्ञानेन्द्र शाहलाई चुनाव लडेर राजनितिमा आउन चुनौती दिएका छन् । आज सुदूरपश्चिम प्रदेशसभालाई सम्बोधन गर्दै प्रधानमन्त्री ओलीले संबिधान अनुसार चुनाव लड्ने अधिकार सबै नेपाली नागरिकलाई भएका कारण नागरिक भएर जनतामाझँ चुनाव लड्न चुनौती दिएका हुन् । ओलीले पुर्व राजाकै कारण अस्थिरता श्रृजना हुन थालेको बताए ।

आइतबार दिउँसो प्रधानमन्त्री केपी शर्मा ओलीले सुदुरपश्चिम प्रदेशसभालाई सम्बोधन गरे । ओलीले सम्बोधनका क्रममा सुदुरपश्चिमका बिभिन्न बिकासका बिषय उठान गरे । यसै क्रममा बोल्दै ओलीले संबिधान बिपरित गतिबिधि गर्ने छुट कसैलाई नरहेको बताए । पुर्व राजा ज्ञानेन्द्र शाहले देश सक्किनै लाग्यो अब मलाई सहयोग गर्नुस भनेको अर्थ के हो भन्दै ओलीले प्रश्न गरे । संबिधान अनुसार ज्ञानेन्द्र शाह पुर्व राजा भएका कारण त्यही हैसियतमा बस्न उनले चुनौती दिए । एदी राजनितिनै गर्ने मन भए चुनाव लडेर आउन उनले सुझाव दिए । तर बिभिन्न संबिधान बिपरित अभिब्यक्ती दिएर नेपालमा अस्थिरता ननिम्त्याउन ओलीले चेतावनी दिए ।

प्रधानमन्त्री केपी शर्मा ओलीले पूर्वराजा ज्ञानेन्द्र शाहले गरेको सम्बोधन सुनेर छक्क परेको बताएका छन् । आइतबार सुदूरपश्चिम प्रदेशसभा बैठकलाई सम्बोधन गर्दै ओलीले यस्तो बताएका हुन् ।

‘७ फागुनमा पूर्वराजा ज्ञानेन्द्र शाहले गरेको सम्बोधन सुनेर छक्क लाग्यो,’ उनले भने, ‘उहाँले संविधानको कुरा गर्नुहुन्न, कानुनको पनि गर्नुहुन्न, लोकतन्त्र, प्रणाली र प्रक्रियाको पनि कुरा गर्नुहुन्न । मलाई साथ दिनुहोस् म आउँछु देश बचाउँछु भन्नुहुन्छ । देश के भएको छ ?’ पूर्वराजा र उनीबाट परिचालित समूहले गर्दै आएको अराजक क्रियाकलापले देश अप्ठेरोमा परेको प्रधानमन्त्री ओलीको तर्क थियो । ‘लोकतान्त्रिक विधिअनुसार सरकार चलाउनुपर्छ भनेर सिकाउनुको सट्टा उहाँले साथ माग्नु ठीक होइन,’ उनले भने, ‘म उहाँलाई सुझाव दिन चाहन्छु, राजनीतिमा आउने भए स्वागत छ । तर, के कुरामा साथ माग्नुभएको बुझिएन ।’

प्रधानमन्त्री ओलीले अर्थतन्त्र बिग्रिएको स्वीकार गर्दै १÷२ वर्षभित्रै ट्रयाकमा ल्याउने बताए । अर्को प्रसंगमा उनले गेटामा यसै वर्षभित्र शैक्षिक कार्यक्रम सञ्चालन हुने बताए । गेटामा अस्पताल र शैक्षिक कार्यक्रम यसै वर्षदेखि सुरु हुने र त्यसपछि मेडिकल विश्वविद्यालयका रूपमा विकास गर्ने बाटोतर्फ लैजाने उनको भनाई थियो । सुदुरपश्चिम बिभिन्न सम्भावना भएको प्रदेश रहेको बताउँदै ओलीले यहाँको सम्भावना लाई आत्मसात गर्दै बिकासमा प्रदेश सरकार सगं सहकार्य गर्ने बताए । महाकाली करिडोर, सहजपुर बोगटान सडक, धनगढी, दिपायल, उरै भन्ज्याङ सडक लगायतका काम आफ्नै पहलमा बनिरहेको दावी गर्दै ओलीले थप बिकासका लागी लाग्ने बताए । धनगढी रगंशाला सामान्य खेल मैदान रहेको बताउँदै ओलीले यसलाई चाँडै स्तरोन्नती गरी राम्रो रगंशाला बनाइने दावी गरे ।

सुदूरपश्चिम प्रदेशलाई विकसित प्रदेश बनाउन आवश्यक रहेको बताउँदै उनले त्यसका लागि उद्यमशिलताको विकास गर्न आवश्यक रहेको बताए । त्यसले प्रदेशमै रोजगारीका सम्भावना बढाउने उनको दाबी थियो । यस अघी सुदूरपश्चिम विश्वविद्यालयको दीक्षान्त समारोहमा सहभागी भएका ओली साझँ धनगढी सभा हलको उद्घाटन कार्यक्रममा सहभागी भएर काठमाण्डौँ फर्किएका छन् ।

२५ फागुन २०८१, आइतवार २०:०५ बजे प्रकाशित