हमासले आज थप ३ बन्धक छाड्दै, विपिन जोशीकाे अवस्था के छ ?
काठमाडौँ। इजरायलसँगको युद्धविराम सम्झौता अन्तर्गत हमासले आज (शनिबार) थप तीन बन्धकलाई मुक्त गर्दै छ।
सट्टामा इजरायलले पनि आज १८३ कैदी प्यालेस्टिनी कैदी रिहा गर्ने हमासले बताएको छ।
हमासले आज छाड्ने ३ बन्धकको नाम सार्वजनिक गरेको छ। जसमा तीनै जना पुरुष हुन्। उनीहरू ओहद बेन अमी, एली शाराबी र ओर लेवी हुन्।
योसँगै नेपाली विद्यार्थी विपिन जोशी यसपटक पनि छाडिनेको सूचीमा पर्न सकेनन्।
जनवरी १९ मा युद्धविराम भएयता हमासले यसअघि १८ जना बन्धक छाडेको छ भने बदलामा इजरायलले ३८३ कैदीलाई रिहा गरिसकेको छ।
युद्धविराम सम्झौताको पहिलो चरणअन्तर्गत ३३ बन्धक र १९०० कैदीलाई रिहा गरिने छ।इजरायलले ३३ बन्धकमध्ये ८ जनाको भने मृत्यु भइसकेको बताएको छ।
२६ माघ २०८१, शनिवार ०८:०६ बजे प्रकाशित
