नेपालीलाई नक्कली भुटानी शरणार्थी बनाएर अमेरिका पठाउने कार्यमा संलग्न गिरोहका सदस्यहरु धमाधम पक्राउ पर्न थालेका छन् । प्रहरीले यो प्रकरणमा अनुसन्धान तीव्र बनाउँदै एकपछि अर्कोगरी अभियुक्तलाई पक्राउ गरिरहेको छ ।

आइतबारमात्रै प्रहरीले एमालेका निलम्बित सचिव टोपबहादुर रायमाझीलाई राजधानीको बूढानीलकण्ठबाट पक्राउ गरेको छ । फरार भएको ११ दिनपछि उनलाई प्रहरीले नियन्त्रणमा लिन सफल भएको हो ।
उनी पक्राउ परेसँगै यो प्रकरणमा प्रहरी हिरासतमा पुग्नेको संख्यामा १३ जना पुगेको छ ।

यसअघि यो प्रकरणमा पूर्वगृहमन्त्री बालकृष्ण खाँण, तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्रजित राई र बहालवाला सचिव टेकनारायण पाण्डेसमेत पक्राउ परिसकेका छन् । यस्तै नरेन्द्र केसी, सन्दिप रायमाझी, सागर राई, रामशरण केसी, गोविन्द चौधरी, सन्देश शर्मा, केशव दुलाल, सानु भण्डारी र कुमार गुरुङ पनि प्रहरी हिरासतमा छन् ।

१ जेठ २०८०, सोमवार ०९:२३ बजे प्रकाशित