नाबालक भतिजलाई रडले हानेर हत्या गरेको आरोपमा काका पक्राउ
धनुषामा भतिज हत्या आरोपमा काका पक्राउ परेका छन् । क्षिरेश्वरनाथ नगरपालिका–५ बस्ने २८ वर्षीय रवी पासवान हत्या अभियोगमा समातिएका हुन् ।
रवीले आफ्नै चार वर्षीय भतिज अनुष पासवानलाई फलामको रड प्रहार गरि गम्भीर घाइते बनाएका थिए । अनुषको महेन्द्रनगर हेल्थ केयर अस्पतालमा उपचारको क्रममा मृत्यु भएको प्रहरीले बताएको छ ।
प्रहरीले रवीलाई नियन्त्रणमा लिएर आवश्यक अनुसन्धान भइरहेको जनाएको छ ।
१३ असोज २०७९, बिहीवार १५:३४ बजे प्रकाशित
