टाइफाइडविरुद्धको खोप अभियान प्रभावकारी बनाउन स्वास्थ्यमन्त्रीको निर्देशन
स्वास्थ्यमन्त्री विरोध खतिवडाले आजदेखि देशैभरि प्रारम्भ भएको टाइफाइडविरुद्धको राष्ट्रिय खोप अभियानलाई प्रभावकारी बनाउन निर्देशन दिएका छन् । तोकिएकै अवधिभित्र अभियानलाई पूर्णता दिइसक्न सरोकारवालाहरूलाई उनले निर्देशन दिए ।
मकवानपुरको मनहरी गाउँपालिका–५ स्थित भोजसिद्ध माविमा शुक्रबार आयोजित कार्यक्रममा उनले अभियान सञ्चालनका क्रममा आउनसक्ने कठिनाइहरूको व्यवस्थापन मिलाइसकिएको बताए । आफ्ना बालबालिकालाई खोप अभियानमा ढुक्क भएर सहभागी गराउन अभिभावकहरूलाई उनको आग्रह थियो ।
आजदेखि सुरु भएको अभियान देशैभर वैशाख १८ गतेसम्म सञ्चालन हुने उनले बताए । यो अवधिमा १५ महिनादेखि १५ वर्षसम्मका करिब ७५ लाख बालबालिकालाई खोप लगाइने उनले बताए ।
२५ चैत २०७८, शुक्रवार २१:५१ बजे प्रकाशित
