सुनको मूल्य फेरि एक लाख प्रतितोला नाघेको छ।नेपाल सुनचाँदी व्यवसायी महासंघका अनुसार सुन फेरि आठ सय रुपैयाँ प्रतितोला बढेर १ लाख ३ सय रुपैयाँ पुगेको हो।

तेजाबी सुन पनि ९९ हजार ८ सय रुपैयाँ पुगेको छ। अघिल्लो दिन छापावाल सुन ९९ हजार ५ सय र तेजाबी सुन ९९ हजार प्रतितोला मूल्यमा कारोबार भएको थियो।

चाँदी पनि २० रुपैयाँले महंगो भएको छ। आज चाँदी प्रतितोला १३ सय ९५ रुपैयाँमा कारोबार भएको संघले जनाएको छ। अघिल्लो दिन चाँदी १३ सय ७५ रुपैयाँ प्रतितोलामा कारोबार भएको थियो।

८ चैत २०७८, मंगलवार १२:५० बजे प्रकाशित