चारदेशीय टी–ट्वान्टी सिरिज: नेपालले आज युएईसँग प्रतिस्पर्धा गर्दै
आईसीसी पुरुष टी–ट्वान्टी विश्वकप छनोट अन्तर्गतको ग्लोबल छनोट ए अघि नेपालले आज युएईसँग प्रतिस्पर्धा गर्दैछ।
चारदेशीय टी–ट्वान्टी सिरिज अन्तर्गत अल अमरेट क्रिकेट मैदानमा नेपाल र युएईबीचको खेल बिहान पौने १२ बजे सुरु हुनेछ ।
शुक्रबारको पहिलो खेलमा ओमानलाई ६ विकेटले हराएको नेपाल लगातार दोस्रो जित चाहन्छ ।
सिरिजको अन्तिम खेलमा नेपालले पर्सि सोमबार आयरल्यान्डसँग खेल्नेछ।
ग्लोबल छनोट ए मा नेपालसहित आयोजक ओमानसहित, फिलिपिन्स, क्यानडा, युएई, बहराईन, आयरल्यान्ड र जर्मनी रहेका छन् ।
२९ माघ २०७८, शनिवार ०८:१७ बजे प्रकाशित
