अछामका २ युवक ब्राउनसुगरसहित पक्राउ
अछामका २ युवक ब्राउनसुगरसहित पक्राउ परेका छन्। बाँके प्रहरीले नेपालगञ्ज उपमहानगरपालिका वडा नं. ४ बाट ५२ ग्राम ५ सय मिलिग्राम ब्राउनसुगरसहित दुइ जनालाई पक्राउ गरेको हो।
पक्राउ पर्नेमा अछाम तुर्माखाँद घर भइ हाल नेपालगञ्ज बसपार्कमा बस्ने १८ वर्षका प्रेम चलाउने र अछाम पञ्चदेव घर भइ हाल नेपालगञ्ज बसपार्कमा बस्ने १८ वर्षका गौरव विष्ट रहेका छन्। दुवै जनामाथि थप अनुसन्धान भइरहेको बाँके प्रहरीले जनाएको छ ।
२७ माघ २०७८, बिहीवार २०:२२ बजे प्रकाशित
