१
गरिबलाई खान दाना मिल्दैन
विद्यार्थीलाई पढ्न पाना मिल्दैन
बाढीले अस्ती गाउँ नै बगायो
कठै सरकारबाट छाना मिल्दैन

२
अब यो देशको भविष्य के होला
बग्न बगेकै हो विगतमा रगतको खोला
सबै मिली मातृभूमि सुधार्न लागौं
नत्र नेपाली आमाको मन कति रोला ।।

३
अब देशको सेवा गरौं शुद्ध भएर
बन्दैन देश कहिले अवरुद्ध भएर
जतताले अझै खुशी पाएका छैन
जबकि देशमा यत्रो युद्ध भएर

४
यहाँ आफ्नाले आफ्नोलाई थिचेको छ
भर छैन कसैको आफ्नै छोरी बेचेको छ
नेताहरू हातमा दही जमाइ बस्छन्
छिमेकीले हाम्रो सीमा मिचेको छ

५
दोषी घर निर्दोष जेल कुदाउँछन्
भाषणमा नेता रेल कुदाउँछन्
जाबो एउटा सत्तामा बस्नलाई
बनाई गठबन्धन खेल कुदाउँछन्

दिपक संगम विश्वकर्मा
टीकापुर, कैलाली

२९ कात्तिक २०७८, सोमवार १५:४८ बजे प्रकाशित