सरकारले आज कोरोना भाइरसको रोकथामका लागि कडा निर्णय लिने तयारी गरेको छ । आज साँझ मन्त्रिपरिषद बैठक बस्दैछ ।

आजको बैठकमा कोभिड(१९ व्यवस्थापन केन्द्र सीसीएमसी को बैठकले देशभरका परीक्षाहरु स्थगित गर्ने निर्णयबारे छलफल गरी टुंगोमा पुग्नेछ ।

विद्यालय स्तरका बालबालिकामा कोभिड-१९ को जोखिम बढेपछि सरकारले परीक्षा स्थगितको निर्णय लिन लागेको हो । यसबाट एसईई, दश जोड दुई र विश्वविद्यालयहरुका परीक्षा प्रभावित हुनेछन् ।

यसैगरी, अक्सिजनको अभावलाई दृष्टिगत गरी सरकारले सिलिन्डर आयात गर्न भन्सार छुट दिने निर्णय गर्ने तयारी समेत गरेको छ ।

कम्तिमा २० हजार अक्सिजन सिलिन्डर आयात गर्ने तयारी भएको छ । सीमा नाकामा कडाईबारे समेत सरकारले निर्णय लिने तयारी गरिसकेको छ ।

१३ वैशाख २०७८, सोमवार १०:०८ बजे प्रकाशित