नेपालमा पछिल्लो २४ घण्टामा देशभर एक हजार ७३६ जनामा कोरोना संक्रमण पुष्टि भएको छ। सो अवधिमा ११ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।

योसँगै देशभर ८ हजार ६५९ जना सक्रिय संक्रमित पुगेका छन्। ८ हजार ५५ जनाको पिसिआर परीक्षण गर्दा १ हजार ७३६ जनामा कोरोना पुष्टि भएको हो। हालसम्म २ लाख ८७ हजार ५६७ जनालाई कोरोना सक्रमण पुष्टि भइसकेको छ।

आज देशभर २५१ जना संक्रमित निको भई डिस्चार्ज भएका छन्। यस्तै, हालसम्म संक्रमित भएका २ लाख ७५ हजार ८०६ जना निको भइसकेका छन्।

नेपामला अहिलेसम्म ३ हजार १०२ संक्रमितको मृत्यु भइसकेको छ। आज देशभर ९२ जना संक्रमित क्वारेन्टाइनमा रहेको स्वास्थ्य मन्त्रालयले जनाएको छ।

७ वैशाख २०७८, मंगलवार १८:३१ बजे प्रकाशित