चितवनमा कोरोना संक्रमणबाट पुरुषको मृत्यु
कोरोना संक्रमण चितवनमा एक पुरुषको मृत्यु भएको छ ।
भरतपुरस्थित चितवन मेडिकल कलेजमा उपचारको क्रममा राप्ती नगरपालिका–५ का ६० वर्षीय पुरुषको मृत्यु भएको अस्पतालका निर्देशक प्रा.डा. दयाराम लम्सालले बताए ।
श्वासप्रश्वासमा समस्या देखिएपछि उनी उपचारका लागि पुस १९ गते अस्पताल आएका थिए । सोही दिन संक्रमण पुष्टि भएका उनको उपचारको क्रममा आइतबार राति ८ः५९ बजे मृत्यु भएको डा. लम्सालले बताए ।
२७ पुस २०७७, सोमवार १३:०१ बजे प्रकाशित
